‘Ky është kapiteni ynë, ai ka marrë fund’ – pamjet tregojnë reagimet nga tribuna pas çmendurisë së Xhakës

Kapiteni i Arsenalit u fishkëllye teksa po zëvendësohej në ndeshjen me Crystal Palace, derisa tifozët festuan kur ai e hoqi fanellën kur po shkonte drejt tunellit.

Si pasojë e këtij incidenti, futbollisti shqiptar nuk është ftuar fare nga trajneri Emery për ndeshjen që Arsenali do ta luajë sot ndaj Liverpoolit.

Nga Xhaka është pritur që të kërkojë falje dhe të pranojë gabimin, pasi edhe ai ua ktheu tifozëve me ofendime (ik p****uni), ndërkaq trajneri Emery ka pohuar se Xhaka ndihet shumë keq dhe “totalisht i shkatërruar”.

Në pamjet e incizuara nga tifozi, shihet Xhaka duke ecur ngadalë drejt bankës derisa ata fillojnë ta fyejnë atë, duke e fishkëllyer dhe duke i thënë që të dalë më shpejtë jashtë.

“Ky është kapiteni ynë. Është kapiteni ynë. Ky është kapiteni ynë dhe po humb kohë. Ashtu, hiqe fanellën”, dëgjohet duke thënë tifozi që po incizonte, derisa tifozët shpërthejnë në festë, sikur të ishte shënuar gol.

Ndërkaq, nga tifozë të tjerë dëgjohen edhe të shara e të brohoritura.

Për më shumë, shikoni pamjet në videon më poshtë. /Periskopi.com/