Drenica e fortë për Feronikelin, Vushtrria befason Llapin

Drenica triumfoi me rezultat 1-0 si nikoqir i “Niklit”, në ndeshjen e vlefshme për javën e 12-të në Superligë.

Qemajl Elshani shënoi golin e vetëm në minutën e pestë të ndeshjes, duke ia siguruar pikët e plota drenicasve, raporton Periskopi.

Pas kësaj fitoreje, Drenica ngritet në kuotën e 17 pikëve dhe pozicionohet në vendin e shtatë, ndërsa Feronikeli mbetet në kuotën e 19 pikëve në vendin e gjashtë.

M e rezultat 1-0 ka mposhtur edhe Vushtrria si nikoqir Llapin.

Lemcaj shënoi golin e vetëm të ndeshjes në minutën e 26-të.

Me këto tri pikë të fituara, Vushtrria largohet në pozitën e fundit dhe ngjitet në të parafundit me nëntë pikë.

Llapi mbetet në pozitën e pestë me 20 pikë. /Periskopi.com/