Arsenali në telashe me Crystal Palace-in, i merr topin në shtëpi të vet (Video)

Pjesa e parë e ndeshjes ka përfunduar me rezultat 2-1, por me një dominim në posedim të topit nga skuadra mysafire që ka vetëm një pikë më pak në tabelën e Premier Ligë se Arsenal.

Golat për vendësit i shënuan dy qendërmbrojtësit, Sokratis dhe David Luiz ndërkohë për Palacein e ngushtoi epërsinë serbi Luka Milivojeviq nga pika e bardhë, shkruan Periskopi.

Edhe sa i përket rasteve të krijuara, Arsenali nuk ishte ekip bindës ndaj Palace-it, edhe pse po luan me ekipin më të mirë në dispozicion. Në anën e majtë të fushës është Kieran Tierney që erdhi gjatë verës prej Celtic Glasgow-t.

Në formacion është edhe futbollisti zviceran me origjinë kosovare, Granit Xhaka, pavarësisht formës së dobët që po tregon në ndeshjet e fundit. /Periskopi