‘A ka naj fli a jo a’ – ylli i Kombëtares së Kosovës ngopet me brum e yndyrë para ndeshjes me Malin e Zi

Gjithçka gati për dy ndeshjet e Kombëtares së Kosovës që i zhvillon më 10 dhe 14 tetor kundër Gjibraltarit respektivisht Malit të Zi.

“Dardanët” zhvilluan sot seancën e parë stërvitore, derisa ende nuk është kompletuar grupi i plotë pasi lojtarët kanë qenë të angazhuar me klubet deri në ditët e vonshme, raporton Periskopi.

Valon Berisha ka vendosur të konsumojë një ushqim të veçantë, tre ditë para ndeshjes së parë.

Yndyra e brumi duket se janë gjëja e preferuar e mesfushorit të Lazios, pasi ka publikuar foto të gatimit tradicional kosovar, flisë.

Sigurisht aty ku e shohim flinë, e pamundur të mungojnë specat turshi. Të bëftë mirë Valon. /Periskopi.com/