Zhegrova i ‘trullos’ mbrojtësit e Schalkes (VIDEO)

Të premten u zhvillua një ndeshje miqësore mes Schalkes dhe Genkut në stadiumin Municipal Guillermo Amor, e cila përfundo baras me rezultat 2-2. Edhe pse Zhegrova nuk arriti të shënojë apo asistojë në këtë ndeshje për Genkun, ai e mori vëmendjen në forma të tjera, transmeton Gazeta Express.

Në një pjesë të ndeshjes, Zhegrova e mori topin në krahun e djathtë dhe filloi të shkonte drejt portës së kundërshtarëve. Përkundër që tre mbrojtës të Schalkes tentuan t’ia marrin topin dhe ta rrëzojnë atë, Zhegrova arriti ta mbajë topin dhe t’ia pasojë një bashkëlojtari të tij.

 

View this post on Instagram

 

#vs #schalke04 ??⚽️?

A post shared by Edon Zhegrova (@edonzhegrova10) on Jan 12, 2019 at 12:55pm PST

Zhegrova i ka bërë vetëm 12 paraqitje për Genkun gjatë këtij sezoni, shtatë prej të cilave ishin në ligën Jupiler Pro League, nivelin e parë të futbollit në Belgjikë. Gjatë këtyre shtatë ndeshjeve, ai e ka shënuar vetëm një gol dhe nuk e ka bërë asnjë asist.

19-vjeçari nuk ka qenë pjesë e skuadrës së Genkut për asnjë ndeshje të Evropa Ligës, përveç katër ndeshjet që i kishte zhvilluar gjatë fazës kualifikuese. Në ato katër ndeshje, ai i kishte shënuar dy gola dhe e kishte asistuar një tjetër.

Përfshirje më të madhe në skuadër Zhegrova nuk kishte pasur as në kupën e Belgjikës, Beker Van Belgie, pasi që aty kishte luajtur vetëm në ndeshjen kundër Lommel, në rundin e gjashtë të kupës. Ndërsa, në dy ndeshjet e tjera para se të eliminohej Genku nga kupa, Zhegrova nuk kishte qenë as pjesë e skuadrës.