Vëllai i Oliver Ivanoviq ka një porosi për Prishtinën dhe Beogradin

Mirosllav Ivanoviq, vëllai i politikanit serb të vrarë në Kosovë, Oliver Ivanoviq, ka thënë sot se nuk ka ndonjë informatë të besueshme se në vrasjen apo përgatitjen për vrasje ka qenë i përfshirë Millan Radoiçiqi, mirëpo se nuk e përjashton përfshirjen e tij.

Mirosllav Ivanoviq ka theksuar se Prishtina dhe Beogradi kanë interes në zgjidhjen e kësaj vrasjeje, përcjell lajmi.net.

Ai vuri në dukje se nuk ka asnjë informacion të besueshëm se Radoiçiq është i përfshirë në vrasje.

“Do të gënjeja nëse do të thosha se ai njeri nuk është objekt i interesit tim. Duke e pas parasysh se ai është një person që përmendet shumë në këtë kontekst për të lidhen shumë rrëfime, ka shumë të dhëna dhe informacione”, ka thënë Ivanoviq.

Tutje, ai ka thënë se informacionet në lidhje me këtë vrasje i merr vetëm përmes televizioneve dhe mediave tjera.

“Jam gjyqtar dhe nëse do të thosha se dikush duhet të më informoj do ta godisja veten time, por unë kërkoj vetëm të më njoftojnë, të më sigurojnë se po merren me rastin”, ka thënë Mirosllav Ivanoviq.

Më 16 janar, bëhen 1 vit që nga vrasja e liderit të SDP-së, Oliver Ivanoviq.