6 minuta më parëPo ndërtohet dordoleci më i madh në Kosovë
Periskopi(7 vite më parë)
(7 vite më parë)Organizata joqeveritare “Rotary Club Podujeva”, ka ndërtuar dordolecin më të madh në Kosovë, në qendër të qytetit të Podujevës. Për ndërtimin e kësaj vepre nga bora organizatës joqeveritare iu kanë bashkangjitur edhe qytetarët e Podujevës. Kjo performancë është në kuadër të planit të aktiviteteve të organizatës dhe ka për qëllim krijimin e një fryme të […]
Për ndërtimin e kësaj vepre nga bora organizatës joqeveritare iu kanë bashkangjitur edhe qytetarët e Podujevës.
Kjo performancë është në kuadër të planit të aktiviteteve të organizatës dhe ka për qëllim krijimin e një fryme të bashkëpunimit në komunitet, duke kontribuar në krijimin e një atmosfere festive në qytet.
Kryetari i kësaj organizate ishte i kënaqur me pjesëmarrjen e qytetarëve dhe njëkohësisht tregoj idenë e ndërtimit të këtij dordoleci.
“Klubi ynë në Podujevë, në kuadër të planit të vet të aktiviteteve i parasheh 3 muaj me projekte që kanë të bëjnë ose që kanë për qëllim ndërtimin e një fryme të bashkëpunimit dhe të punës para komunitetit. D.m.th ideja e këtij dordoleci që besojë të jetë më i madhi në Kosovë, tash nuk e dimë se si janë kushtet teknike, mendohet të sjellë një frymë edhe te fëmijët, edhe tek qytetarët dhe t’i largojë ata nga politika ditore dhe politika sociale e tyre”, pohoi Koci.
Ndërkohë që ideatori i kësaj vepre ishte pikërisht anëtari i kësaj organizate, Bajram Fusha, i cili u shpreh se kjo ide ka ardhur si pasojë e mos socializmit të shoqërisë sonë, si dhe mos bashkëpunimit të mirëfilltë mes vete.
“Qëllimi dhe pse ka ardhur deri tek ideja, sot këtu me ndërtu dordolecin është fjala pse kështu edhe para vitit të ri, në natën e vitit të ri kemi organizuar si klub protestën e babadimrit që ka shku nëpër fshatra këtu në Podujevë dhe ka shpërnda dhurata për fëmijë me qëllim që sikur ajo puna e babadimrit dhe kjo e dardolecit sot bëhet me qëllim që këta të rinj, fëmijët pse shoqërinë tonë me pas në dorë diçka edhe çështje shoqërore, çështje socializimi i të rinjve për arsyeje se shumë pak është duke ndodhur”, tha ai.
Në mesin e qytetarëve të cilët kishin dalur për të ndihmuar në ndërtimin e këtij dordoleci kishte edhe shumë fëmijë.
Leona Fusha ishte e mallëngjyer me një vepër të tillë, andaj ajo kishte dal qysh nga mëngjesi për të ndihmuar në ndërtimin e kësaj vepre.
“Unë sot kam dalur në sheshin e Podujevës, për ta ndërtuar një dordolec shumë gjigant, i cili është shumë i madh, siç po e shihni duke u ndërtuar dhe siç ka qenë kur ka qenë viti i ri 2019, kanë dalur ky klubi për të dhënë dhurata fëmijëve të ndryshëm”, u shpreh Fusha.
Dordoleci i ndërtuar është më i madhi në Kosovë, i cili arrin lartësinë prej më shumë se 5 metra.
