7 orë më parë”Isco, futbollisti më i mirë në botë”
Periskopi(7 vite më parë)
(7 vite më parë)Mesfushori i Real Madridit, Isco është konsideruar si “lojtari më i mirë në botë” nga Rafael van der Vaart, i cili thotë se nuk e shikon ndeshjen e Realit nëse nuk starton spanjolli. Isco ka qenë me formë të luhatshme këtë sezon, duke mos startuar një ndeshje në La Liga që nga fundi i tetorit. […]
Isco ka qenë me formë të luhatshme këtë sezon, duke mos startuar një ndeshje në La Liga që nga fundi i tetorit. 26-vjeçari është lidhur vazhdimisht me një lëvizje larg kryeqytetit spanjoll mes raporteve që nuk është i kënaqur me rolin e tij, transmeton Periskopi.
Ish-yllit të Malagës mund t’i jepet mundësia të kërkojë vendin e tij në formacionin e Santiago Solarit, kur përballet me Ajaxin në Ligën e Kampionëve, ndërsa Van der Vaart shpreson ta shohë atë në fushë me holandezët.
”Isco është i çmendur për mua, lojtari më i mirë në botë”, tha Van der Vaart për Marca. “Por ai gjithnjë ka probleme me trajnerët, Zinedine Zidane kurrë nuk i besoi atij 100 për qind, kur Ajax do të luajë me Realin, do të shoh nëse ai starton, nëse nuk është, do të shkoj në shtëpi”.
Ndër të tjera, ish ylli i ‘Galaktikëve’ potencoi se do të jetë ndeshje e vështirë për të dyja skuadrat në Ligën e Kampionëve, por Reali është ndryshe në Ligën e Kampionëve.
Van der Vaart gjithashtu tha se largimi i Cristiano Ronaldos e ka dobësuar ekipin e Real Madridit. /Periskopi
