Zyrtare: Yaya Toure bëhet me klub të ri, pritet si hero

Olympiakosi njoftoi përmes një komunikate në Twitter se mesfushori veteran i Bregut të Fildishtë i është bashkuar skuadrës, transmeton Gazeta Express.

Agjenti i Yaya Toures, Seluk, kishte zbuluar të martën në mbrëmje se klienti i tij i kishte kaluar me sukses testet mjekësorë në Londër, duke i nxitur kështu spekulimet se ai do t’i bashkohej një klubi të Londrës si transferim i lirë.

Megjithatë, tani dihet edhe zyrtarisht se Toure do ta vazhdojë karrierën e tij në Olympiakos, ku kishte luajtur gjatë vitin 2005. Ai e kishte fituar ligën dhe kupën e Greqisë, para se të transferohej në Monaco pas Kupës së Botës të vitit 2006.

35-vjeçari besohet se do të fitojë rreth 2 milionë euro në vit në klubin e tij të ri.

Toure ishte në skuadrën e Manchester Cityt deri sezonin e kaluar, por atij nuk iu vazhdua kontrata kështu që periudha tetëvjeçare në City erdhi në përfundim. Agjenti i tij ia ofroi një numër të madh të klubeve të Premierligës mundësinë e transferimit të klientit të tij, megjithatë asnjë nga to nuk shprehi interesim. /Gazeta Express/

Ο κόσμος του Θρύλου αποθεώνει τον Γιάγια Τουρέ! / Olympiacos fans welcome @YayaToure!#olympiacos #YayaToure pic.twitter.com/w0LsxXBcEv
— Olympiacos FC (@olympiacos_org) September 2, 2018