6 orë më parëNga 15 shtatori fillon Festivali Ndërkombëtar i Poezisë në Rahovec
Periskopi(8 vite më parë)
(8 vite më parë)Nga data 15 deri më 17 shtator 2018, në Rahovec fillon edicioni i katërt i Festivalit Ndërkombëtar të Poezisë, organizuar nga Fondi për Edukim Kulturor dhe Trashgimi. Në një njoftim për media thuhet se edhe në këtë edicion do të sillen emrat e shquar të letërsisë botërore, nga Japonia e deri në SHBA, nga Evropa […]
Në një njoftim për media thuhet se edhe në këtë edicion do të sillen emrat e shquar të letërsisë botërore, nga Japonia e deri në SHBA, nga Evropa në Azi.
Sipas Drejtorit të Festivalit, poetit të njohur Fahredin Shehu, do të ketë lexime të poezive nga poetë, performansë Poetike nga poetesha Japoneze Yuki Nagae, promovimi i Antologjisë Ballkanike të edituar nga Shehu dhe botuar nga Inner Child Press LTD. International, në SHBA, si dhe promovimi i opusit letrar të poetit nga Shqipëria, Xhevahir Spahiu.
Nga Shehu zbuluam se Poeti Amerikan Andrew Singer, bartës i projektit Traffika Europa me seli në Paris, do ta bëj dokumentimin e festivalit dhe Festivalin Ndërkombëtar të Poezisë në Rahovec e fut në rrjetin e Festivaleve dhe ngjarjeve kulturore të Evropës. Aktivitetet e Festivalit do të transmetohen live në Traffika Europa Radio si dhe në Radio Aktiv në Rahovec.
Festivali po përkrahet nga Ministria e kulturës, Ministria e Punëve të Jashtme dhe donatorëve zemërgjerë nga Rahoveci, të cilët e kuptojnë rendësinë e festivalit dhe diplomacisë publike në interes të ngritjes së imazhit të Kosovës në botë.
