4 minuta më parëLugina e Preshevës ia sjell një kërkesë të re Thaçit
Periskopi(8 vite më parë)
(8 vite më parë)Presidenti i Kosovës, Hashim Thaçi ka thënë se përfaqësuesit institucional të Luginës së Preshevës në takimin e sotëm ia kanë prezantuar idenë e nxjerrjes së një rezolute nga Kuvendi i Kosovës që e përcakton qartë që Presheva, Medvegja e Bujanoci të bashkohen me Kosovën. Thaçi bëri të ditur se ideja për këtë rezolutë tashmë i […]
Në një konferencë për media, Thaçi e quajti produktiv dhe domethënës takimin e sotëm.
“Sot zhvilluam një takim shumë produktiv dhe jashtëzakonisht domethënës, me substancë në angazhimin e ardhshëm mes Kosovës dhe përfaqësuesve të Medvegjës, Preshevës e Bujanovcit. Është e qartë se vullneti i deklaruar i shqiptarëve atje është për bashkëngjitje me Kosovën. Si president, e kam mbështetur fuqishëm këtë ide dhe vazhdojë ta mbështes, deri në realizimin e saj. Do të bëjmë përpjekje maksimale që kjo çështje të përmbyllet me marrëveshjes finale mes Kosovës e Serbisë”, ka thënë Thaçi.
Tutje, i pari i vendit tha se shpreson që të gjithë në Kosovë, pa dallime partiake, ta mbështesin të drejtën e Preshevës për bashkëngjitje.
“Është momenti që të gjithë të ngriten mbi egot personale. Aktualisht Presheva, Medvegja e Bujanoci janë kauzë e përbashkët. Do të përpiqemi që edhe liderët të jenë pjesëmarrës në dialogun me Serbinë, për të qenë transparent në këtë proces vendimmarrës. Do ta përkrah edhe Qeveria, Parlamenti e të gjithë. Do të jemi afër qytetarëve me mundësitë që i kemi si shteti, në kuadër të kësaj mirëpres idenë e përbashkët që të shohim se si t’i ndihmojmë përmes fondeve të ndryshme. Për t’i kontribuar realizimit më të shpejtë të të drejtave të tyre, duhet unitet në Kosovë”, tha ai tutje./Periskopi
