Deputeti i Vetëvendosjes: Janë mbledhur forca speciale rreth Kuvendit të Kosovës

“Rreth Kuvendit ka forca speciale. Duhet t’i pyesni ata se përse kanë ardhur forca special rreth kuvendit të Kosovës”, ka thënë Selimi në hollin e Kuvendit të Kosovës, shkruan Periskopi.

Ndërsa, mosmbajtjen e seancës së thirrur nga Qeveria, e ka quajtur grabitje të seancës së opozitës, e cila ka thirrur seancë për të miratuar një rezolutë që do t’ia ndalonte Thaçit negocimin e territorit të Kosovës me Serbinë.

“Seanca e pushtetit e grabiti seancën e opozitës dje në ora 10:00. Sidoqoftë ne do të vazhdojmë të këmbëngulim në atë që është e drejtë dhe e jona. Qe 24 orë opozitës po i mohohet seanca”, ka thënë Selimi.

Ndërkohë, seanca e jashtëzakonshme e Qeverisë për ta votuar ekipin negociator të propozuar nga Qeveria e re, është shtyrë që nga dje, për shkak të mungesës së kuorimit. Ishte paraparë që të mbahej sot në ora 14:00, por tashmë ka një njoftim se kjo seancë është shtyrë për sot në orën 16:00. /Periskopi/