disa sekonda më parëThaçi: Unë dua korrigjim, propagandistët flasin për ndarje – koha për referendum
Periskopi(8 vite më parë)
(8 vite më parë)Presidenti i Kosovës Hashim Thaçi, ka reaguar edhe njëherë mbi debatin e gjerë që është hapur për mundësinë e shkëmbimeve territoriale me Serbinë. Ai ka thënë se nuk po mbetet tjetër rrugë përveç vendimmarrjes nga ana e qytetarëve përmes referendumit. Thaçi, përmes llogarisë së tij zyrtare në Facebook, ka thënë se ai e ka hedhur […]
Thaçi, përmes llogarisë së tij zyrtare në Facebook, ka thënë se ai e ka hedhur poshtë me kohë opsionin e ndarjes dhe të shkëmbimit të territoreve, porse është duke folur për korrigjim të kufirit në mënyrë paqësore, në favor të Kosovës, shkruan Periskopi.
Reagimi i plotë i Presidentit:
Një mesazh për ata që mendojnë se korrigjimi i kufijve në mënyrë paqësore është ide e keqe, përkundër faktit se e dinë që është mundësia e vetme që Presheva, Bujanoci dhe Medvegja t’i bashkohen Kosovës.
Që të jem i qartë: Unë e kam hedhur poshtë me kohë opsionin e ndarjes dhe të shkëmbimit të territoreve. Unë jam duke folur vetëm për korrigjim të kufirit në mënyrë paqësore, dhe atë, në favor të Kosovës. Ndërsa, kundërshtuesit e këtij propozimi, propagandojnë për ndarje dhe shkëmbim të territoreve.
Në një situatë të tillë, vertet që nuk mbetet rrugë tjetër përveç fuqizimit të vendimmarrjës së qytetarëve të Republikës së Kosovës, duke iu mundësuar atyre për të vendosur vetë se kush ka të drejtë dhe se cili opsion është në interes të Kosovës. Prandaj, është e domosdoshme që t’iu mundësojmë qytetarëve tanë të drejtën e referendumit, gjë që për të cilën jam duke punuar që të bëhet realitet.
