4 orë më parëMediat zvicerane i dalin në krah Behramit, kritika Federatës për përjashtimin e tij
Periskopi(8 vite më parë)
(8 vite më parë)Përjashtimi i Valon Behramit është lajmi i ditës në median zvicerane, e cila në përgjithësi ka rezultuar kritike në drejtim të Federatës Zvicerane dhe trajnerit Petkoviq për mënyrën sesi administruan situatën me Behramin. “Federata Zvicerane e humbi kontrollin”, thekson Neue Zürcher Zeitung. “Ajo dhe trajneri treguan mungesë respekti ndaj një futbollisti që ka dhënë shumë […]
“Federata Zvicerane e humbi kontrollin”, thekson Neue Zürcher Zeitung. “Ajo dhe trajneri treguan mungesë respekti ndaj një futbollisti që ka dhënë shumë për skuadrën”, shkruan Tch.
“Re të zeza kanë rënë mbi kombëtaren”, shkruante “Aargauer Zeitung”.
Ndërsa “Tages-Anzeiger” shkruan se largimi i Behramit nga kombëtarja është vetëm zhurma e fundit e ngritur rreth skuadrës. Situata do të mbetet e nderë pasi çështja e lojtarëve me 2 pasaporta është ende shumë e hapur. Ndërsa “Tagblatt” publikon një letër të hapur drejtuar Valon Behramit ku e falënderon për kontributin e madh që ai ka dhënë, ndërkohë që shfaqi edhe befasinë për mënyrën sesi e menaxhoi këtë situatë Federata Zvicerane e futbollit për ta mbyllur letrën me frazën: Do ta ndjejmë mungesën tënde.
Një mesazh lamtumire nga kombëtarja zvicerane, Valon Behrami mori edhe nga Granit Xhaka. “Valon, ajo që mund të them është shumë Faleminderit. Je një ikonë e vërtetë e kombëtares zvicerane. Krijuam kujtime në fushë, u bëmë miq përjetë”, shkruante Granit Xhaka në Instagram.
Mesazhe të shumtë Valon Behrami ka marrë edhe nga tifozë të shumtë zviceranë, një pjesë e mirë e të cilëve nuk i kursyen kritikat ndaj Petkoviqit, siç është rasti i përdorueses së Twitterit Miss Fairysdust, e cila shkruante: “Ky ishte një gabim i madh z.Petkoviq. Valon, do ta ndjejmë shumë mungesën tënde. Faleminderit për atë çfarë bëre për vendin tonë”.
