Racizëm politik dhe artistik në rastin e Kujtim Paçakut

Javën e kaluar vdiq ish deputeti dhe poeti kosovar nga komuniteti rom, Kujtim Paçaku.

Ai ishte bërë i njohur për opinionin publik kur kishte reaguar në Kuvendin e Kosovës për shprehjet raciste ndaj komunitetit të tij të dëgjuara në Aferën “Pronto”. Praktikisht, ai e kishte detyuar kryetarin e Kuvendit, Kadri Veselin dhe ish-shefin e grupit parlamentar të PDK-së, Adem Grabovcin që të kërkonin falje, transmeton Periskopi.

Vdekja e tij u duk se preku shumë njerëz, ndër ta ish kolegë të tij deputetë, dhe ish kolegë të tij poetë. Por, në varrimin e tij nuk morën pjesë as politikanët dhe as poetët që shprehën dhimbje në postimet e tyre në Facebook për vdekjen e tij.

Për këtë gjë, kishte reaguar edhe djali i të ndjerit, Denur Paçaku, duke shkruar: “Deduktiviteti e targeti i kësaj mungese që i ndjeri nuk e meritonte, ishin deputetët shqiptarë, për të cilët ai kishte jashtëzakonisht shumë respekt. Këta të fundit dhe vajtuan dhe e ngritën në piedestalin më të lartë, e në praktikë munguan për të hedhur një grusht dhe mbi banesën e tij të fundit”

Mbase kjo mungesë në varrimin e ish-deputetit Paçaku flet më shumë se mungesa fjalët e dhimbjes që i shprehën këta njerëz. /Periskopi