8 orë më parëPrishtina apo Drita, sot vendoset kampioni i Superligës
Periskopi(8 vite më parë)
(8 vite më parë)Vëmendja e gjithë Kosovës dhe jo vetëm, ditën e sotme do të jetë e përqendruar në Pejë, ku në stadiumin ‘Shahin Haxhiislami’ do të luhet sfida për titullin kampion të Superligës, mes Prishtinës dhe Dritës. Bëhet fjalë për javën e fundit të kampionatit dhe dy skuadrat do të diskutojnë me njëra-tjetrën çështjen e titullit kampion, […]
Bëhet fjalë për javën e fundit të kampionatit dhe dy skuadrat do të diskutojnë me njëra-tjetrën çështjen e titullit kampion, pasi vijnë në këtë sfidë përkatësisht Drita në vendin e parë dhe Prishtina në vendin e dytë.
Distanca mes tyre është vetëm 3 pikë, ndërsa Prishtinës i duhet medoemos fitorja me të paktën dy gola diferencë, për t’i rrëmbyer titullin skuadrës gjilanase.
Të dy skuadrat qëndrojnë të grumbulluara në qytetin e Pejës prej ditës së Enjte, ndërsa pritet që edhe tifozëritë përkatëse të ofrojnë një spektakël më vete, ndonëse shumë prej tyre nuk do të mund të jenë në shkallët e stadiumit, që është i përmasave minimale për një takim të tillë.
Sfida mes Prishtinës dhe Dritës do të startojë në orën 16:00.
