10 minuta më parëThaçi nuk e ‘dorëzon’ shefin e AKI-së
Periskopi(8 vite më parë)
(8 vite më parë)Ministri i Punëve të Brendshme, Flamur Sefaj, i është bindur urdhrit të kryeministrit Ramush Haradinaj për ta liruar këtë post, me pesë ditë vonesë. Por zyrtari tjetër që të premten e kaluar u “lirua nga detyra” prej kryeministrit – drejtori i AKI-së, Driton Gashi – vazhdon të mbetet në detyrë, i mbrojtur nga presidenti Thaçi, […]
Ministri i Punëve të Brendshme, Flamur Sefaj, i është bindur urdhrit të kryeministrit Ramush Haradinaj për ta liruar këtë post, me pesë ditë vonesë. Por zyrtari tjetër që të premten e kaluar u “lirua nga detyra” prej kryeministrit – drejtori i AKI-së, Driton Gashi – vazhdon të mbetet në detyrë, i mbrojtur nga presidenti Thaçi, pajtimi i të cilit është i domosdoshëm për shkarkimin e kreut të AKI-së, shkruan sot Koha Ditore.
Largimi i Sefajt dhe i Gashit është kërkuar nga Haradinaj pas skandalit me arrestimin dhe deportimin e gjashtë shtetasve turq.
Në letrën e dorëheqjes, Sefaj, tashmë ish-ministër, ka thënë ta ketë informuar kryeministrin e Kosovës në detaje lidhur me procesin e deportimit të shtetasve turq dhe përfshirjen e tij në zbatim të ligjit në atë proces.
Për dorëheqjen e tij fillimisht ka njoftuar partia së cilës i takon. AKR-ja, përmes një komunikate ka thënë se Sefaj nuk ka qenë faktor vendimmarrës dhe vetëm ka zbatuar ligjin përkitazi me kërkesën e AKI-së, institucion ky i cili sipas Kushtetutës ka vlerësuar se personat e lartcekur përbëjnë rrezik për sigurinë nacionale të Kosovës. “Sa i përket informimit të kryeministrit për këtë proces, AKI-ja obligohet me ligj që t’i raportojë në të njëjtën kohë kryeministrit, prandaj duhet të sqarohet nëse kjo ka ndodhur apo jo”, thuhet në njoftimin e AKR-së.
