Beqiri tregon se a është shëruar Isa Mustafa dhe kur do të kthehet në Kosovë

Ismet Beqiri nga Lidhja Demokratike e Kosovës i ka konfirmuar se gjendja shëndetësore e Mustafës ka shënuar përmirësim dhe ardhja e tij në Kosovës është çështje ditësh.

“Unë jam në kontakte të rregullta me kryetarin dhe mund të ja u konfirmoj se ai gjatë muajit prill do të kthehet në Kosovë, gjatë këtij muaji do me thanë, nuk e kam datën por ai do vjen shpejt ”, ka thënë Beqiri për Gazetën Blic.

Ai ka shtuar se Mustafa do e vazhdojë edhe një pjesë të terapisë në Prishtinë, saktësisht fizioterapinë, por se faza e tretmanit kryesor që e kishte në Gjermani ka kaluar.

“Mustafa e ka kaluar fazën e nevojës së tretmanit në Gjermani, por natyra e sëmundjes që ka Mustafa, kërkon vazhdim të trajtimit edhe për një kohë, por që ai do i vazhdoj ato në Prishtinë.Por fakti se ai do kthehet në Kosovë tregon se gjendja e tij është e mirë, dhe ai në Kosovë do e vazhdojë fazën e fizioterapisë“ ka thënë Beqiri.

Mustafa ka shkuar për tretman mjekësor në një qendër rehabilituese në Gjermani që nga 15 janar i këtij viti.

Shëndeti i tij u shndërrua në top temë duke u shtuar zërat se brenda LDK-së do të ketë edhe zgjedhje, por një gjë e tillë siç duket nuk do të ndodh.