10-vjeçarja ndan tmerrin e përdhunimit që ka përjetuar mes krizës humanitare

“Edhe tani, trupi im ende më dhemb,” tha ajo.

Ajo ishte dhunuar në vendin ku familja e saj vrapoi për t’u stehuar në një shenjtore.

“Vetëm një kafshë mund ta bëjë këtë,” flet një nga burrat që po dëgjonin rrëfimin e saj, raporton “Sky News”, transmeton Periskopi.

Vajza e vogël e cila ende nuk e ka arritur moshën e pjekurisë jeton në një kamp të madh me tenda në Bunia të Republikës Demokratike të Kongos, me 10, 000 njerëz që kanë lëshuar shtëpitë e tyre.

Familja e saj vuan nga trauma të panumërta. Fshati i saj ishte sulmuar, shtëpitë ishin djegur dhe fqinjët e saj ishin therrur.

Rreth dy muaj më parë, ata jetonin në Dhendro në distriktin e Ndgugus të provincës Ituri kur afro 80 sulmues zbritën tek komuniteti për të shkaktuar kërdi.

Babai i vajzës thotë se rreth 40 fshatarë janë vrarë. Sipas tij viktima mund të ketë më shumë.

“Ata kishin thika machete, armë, shigjeta dhe kamionë me armë,” thotë ai.

Ai insiston se dhunuesit vinin nga fisi Lendu, ndërsa të strehuarit në kamp vinin nga fisi Hama.

Vajza e tij më e madhe po flinte kur erdhën dy sulmues për ta sulmuar atë.

Ai thotë se vajza e vogël zgjohet shpesh në mbrëmje, përderisa pjesëtarët tjerë të familjes gjithashtu janë të frikësuar.

Kongo përshkruhet nga konflikte të shumta nga korrupsioni i shfrenuar e deri tek ndarjet etnike, e cila shpesh herë përshkruhet si kriza humanitare më e madhe në botë nga Kombet e Bashkuara./Periskopi/