Reagimi i Ilir Dedës pas arritjes së konsensusit për Demarkacion

Deda shkruan në Facebook, se me arritjen e marrëveshjes janë sqaruar të gjitha paqartësitë ligjore për këtë çështje.

“Arrihet pajtimi për ratifikimin e demarkacionit në seancën e radhës të Kuvendit të Kosovës, duke u sqaruar të gjitha paqartësitë ligjore”, shkruan ai.

Në anën tjetër, LDK-ja ka mirëpritur tërheqjen e Qeverisë nga raporti i Komisionit, të kryesuar nga Shpejtim Bulliqi.

Për arritjen e marrëveshjes njoftoi kryeparlamentari Kadri Veseli, përmes një publikimi në Facebook.

“Të nderuar qytetarë, Sapo kemi arritur konsensusin për të ratifikuar Marrëveshjen për Shënimin e Kufirit me Malin e Zi. Dëshiroj të falënderoj Kryeministrin Haradinaj, Lidhjen Demokratike të Kosovës, Nismën Socialdemokrate dhe zëvendëskryeministrin Pacolli për gatishmërinë për konsensus dhe për dialogun shumë konstruktiv. Ky bashkëpunim duhet të na përcjellë edhe në procese të tjera të rëndësishme për vendin”, shkruan Veseli në Facebook./Periskopi