Plas korrupsioni në Izrael, njeriu më i afërt i kryeministrit pranon të jetë dëshmitar

Policia nuk e ka konfirmuar përfshirjen e Shlomo Filber kundër Natanjahut, por të gjitha mediat izraelite thanë se është arritur një marrëveshje për një bashkëpunim me Filberin, raporton “The Guardian”, transmeton Periskopi.

Filber, ish drejtori i ministrisë së komunikacionit nën Netanjahun, u arrestua me dyshimin për promovimin e rregulloreve me vlerë qindra milionë dollarë për kompaninë e telekomunikacionit Bezeq.

Raportet erdhën menjëherë pas një pohimi se një shok i tij u përpoq për të marrë ryshfet nga një gjykatës në shkëmbim të ngritjes së akuzave kundër gruas së Netanjahut.

Kryeredaktori i gazetës izraelite “Haaretz” tha “Këto janë ditët e fundit të Benjamin Netanjahut si kryeministër”.

Zhvillimet e fundit vijnë disa ditë pasi policia njoftoi se kishte prova të mjaftueshme për të paditur Netanjahun për ryshfet, mashtrimin dhe shkeljen e besimit në dy raste të veçanta./Periskopi/