7 orë më parëFederer nuk ndalet, fiton turneun e Roterdamit, titulli i 97-të në karrierë
Periskopi(8 vite më parë)
(8 vite më parë)Dy ditë pasi u rikthye “Numri 1” në botë, tenisti zviceran Roger Federer ka korrur sot një tjetër sukses në karrierën e tij, duke fituar turneun e Roterdamit. Federer mundi 2-0 (6-2, 6-2) në finale bullgarin Grigor Dimitrov, numrin 5 në botë. Ndonëse pritej një përballje e fortë, mes dy tenistëve nga më në formë […]
Dy ditë pasi u rikthye “Numri 1” në botë, tenisti zviceran Roger Federer ka korrur sot një tjetër sukses në karrierën e tij, duke fituar turneun e Roterdamit. Federer mundi 2-0 (6-2, 6-2) në finale bullgarin Grigor Dimitrov, numrin 5 në botë. Ndonëse pritej një përballje e fortë, mes dy tenistëve nga më në formë aktualisht, fusha konfirmoi se zvicerani është i papërmbajtshëm, duke e dominuar dhe merituar fitoren. Federer fitoi brenda 60 minutave ndaj Dimitrov, që luajti dobët dhe nuk pati asnjë shans të përballojë furinë e tenistit zviceran, që dukej sikur “fluturonte” në fushë.
Roger Federer gjate finales se sotme ne Roterdam
Për Federer, ky është titulli i 97-të në karrierën e tij dhe ndoshta këtë vit do të prekë kuotën e 100 titujve. Këtë sezon, tenisti zviceran ka fituar fillimisht turneun e “Hopman Cup” dhe më pas grand slemin e Australian Open, duke regjistruar kështu sot titullin e tretë sezonal. Një paraqitje magjike e tenistit 36-vjeçar, që pavarësisht moshës po tregon një formë të shkëlqyer, duke u bërë edhe tenisti më i vjetër që bëhet “Numri 1” në botë. Pas këtij turneu, zvicerani pritet të qëndrojë pushim për 3 javë, për t’u rikthyer në fushë në turnetë Masters të Indian Wells dhe Majemi.
