Krishtlindja në Gjakovë pritet me dritën e qiriut

Në komunën e Gjakovës, disa fshatra po përballen me mungesë energjie.
Prej disa orësh janë regjistruar shkyçje të rrymës në disa fshatra të Gjakovës, të banuara kryesisht nga qytetarë të besimit të krishterë.

Banorët thonë për Gazetën Express se s’kanë arritur të marrin asnjë arsyetim për këtë, gjersa mungesa e rrymës ka prishur disponimin e tyre në prag të festës së Krishtlindjes.

Kompania Kosovare për Distribuim dhe Furnizim me Energji elektrike (KEDS) është kritikuar ashpër javëve të fundit për ndërprerjet e vazhdueshme të rrymës nëpër komunat e vendit.