Hahn për vizat: A e dini pse m’u kanë thinjur flokët? Jam i padurueshëm

Komisioneri i Parlamentit Evropian për politika të fqinjësisë dhe të negociatave për zgjerim, Johannes Hahn, ka folur në një konferencë për medie lidhur me vizitën e sotme në Kosovë ku është takuar me krerët e tri institucioneve më të rëndësishme në vend, shkruan Periskopi.

Hahn ndër tjerash ka thënë se “e kupton padurimin e qytetarëve,” më tej duke shtuar se “edhe unë nganjëherë jam shumë i padurushëm sa i përket proceseve në Bashkimin Evropian, biles m’u kanë thinjur flokët nga këto përvoja.”

Ai më tej ka shtuar: “Nëse e krahasojmë gjendjen me Gjeorgjinë dhe Ukrainën, mund të themi që është nevojitur 1 vit e gjysmë, dhe tashmë ka nisur shqyrtimi. Por kjo merr kohë. Vyen kohë për të miratuar një raport pozitiv. Kërkoj nga ju që të keni durim për disa muaj. Këto janë rregullat e lojës.”

Në fund, komisioneri ka deklaruar se “është duke u punuar shumë por liberalizimi i vizave nuk mund të bëhet për një ditë”. /Periskopi