3 minuta më parëVeton Surroi nuk sulmon Hashim Thaçin, kritikon BE-në
Periskopi(8 vite më parë)
(8 vite më parë)Në shkrimin e radhës të publikuar në gazetën Koha Ditore dhe në portalin Koha, publicisti dhe shkrimtari i njohur kosovar, Veton Surroi ka kritikuar politikën ndërmjetësuese në dialogun Kosovë-Serbi të Bashkimit Evropian. Kësaj here, ai nuk është marrë në asnjë rresht të shkrimit me presidentin Thaçi – dhe idenë e korrigjimit të kufijve, e cila […]
Në shkrimin e radhës të publikuar në gazetën Koha Ditore dhe në portalin Koha, publicisti dhe shkrimtari i njohur kosovar, Veton Surroi ka kritikuar politikën ndërmjetësuese në dialogun Kosovë-Serbi të Bashkimit Evropian.
Kësaj here, ai nuk është marrë në asnjë rresht të shkrimit me presidentin Thaçi – dhe idenë e korrigjimit të kufijve, e cila brenda shkrimit, është thjesht një ide e keqe.
Ai politikën e BE-së e ka quajtur, politikë të Nasradin Hoxhës.
“Problemi qëndron tek Nasradin Hoxha. Apo të jem më preciz te ftesa që iu bë Nasradin Hoxhës në Bruksel, te Komisioni Evropian.
Qe ftuar një herë Nasradin Hoxha të ndajë drejtësi mes dy palëve dhe dëgjoi njërën palë e i dha të drejtë, pastaj dëgjoi tjetrën dhe i dha të drejtë po ashtu. Dikush nga xhemati i mbledhur protestoi, duke e pyetur Hoxhë efendiun se si është e mundur që të dyja palët në konflikt të kenë të drejtë, dhe Nasradini iu përgjigj: “Edhe ti ke të drejtë”.” – shkruan ai.
Lexoni shkrimin e plotë duke klikuar këtu.
