Maltezët ndër sy “Kemi koqe të mëdha”, Dardanët ua kthejnë “jemi krenarë që jemi shqiptarë”

Kosova po fiton 1 me 0 në ndeshje kundër Maltës në Ta’qali. Në përgjithësi, Kosova luajti mirë duke krijuar raste dhe duke mos i krijuar hapësira të mëdha kundërshtarit – por vërehej mendjemadhësia e mesfushorëve dhe sulmuesve, dhe paniku në mbrojtje, shkruan Periskopi.

Atmosfera në stadium dukej mjaft e mirë megjithëse me fare pak tifozë. Në një prej banerëve të tifozërisë malteze shkruhej: “Jemi ishull i vogël, por kemi koqe të mëdha” [lexuesit nga Shqipëria që nuk e kuptojnë se çka janë koqet, i ftojmë të konsulltojnë fjalorin].

Ndërkohë, edhe tifogrupi Dardanët dëgjohej në vazhdimësi dhe biles ishte më i zhurmshëm se ai maltez. Nganjëherë, zëri i një tifozi të vetëm dëgjohej duke bërtitur “O sa mirë me qenë shqiptar, o hej, o hej”.

Në pjesën e dytë kjo lojë pritet të prodhojë gola të tjera. Se a do ta ketë fjalën kryesore mendjemadhësia e sulmuesve apo paniku i mbrojtëse, mbetet të shihet.