Iniesta admiron Kanten: Do doja ta kisha në skuadër

Andres Iniesta ka turrur elozhe për lojtarin e Chelsea-s, N’Golo Kante, për të cilin thotë se do të dëshironte shumë që ta kishte pasur në skuadër.

Një nga futbollistët më të mirë në historinë e Spanjës dhe të Barçës, që aktualisht luan për klubin japonez të Vissel Kobe-s, ka lavdëruar francezin për personalitetin e tij modest dhe aspak egoist, duke thënë se ai është lojtari kryesor i bluve të Londrës dhe i “gjelave”.

“Ai është një lojtar që do të doja ta kisha në skuadër për shumë vite. Ai nuk do të vijë në Japoni, por përfundimisht është një lojtar që e dashuroj për shkak të punës që bën në fushën e lojës dhe për shkak të vetëbesimit që e ka gjatë ndeshjeve. Mjeshtëria e tij në futboll e bën atë lojtarin më të rëndësishëm për ekipin e Chelseat si dhe ekipin e Kombëtares së Francës”, deklaroi Iniesta.

Kante luajti 90 minuta në takimin e së mërkurës, ndërsa skuadra e Maurizio Sarri-t, siguroi një vend në çerekfinalet e Carabao Cup. /Periskopi/