5 minuta më parëProkuroria do të kërkojë një muaj paraburgim për Musa Cenën dhe dy të tjerët për ryshfet
Periskopi(8 vite më parë)
(8 vite më parë)Prokuroria Themelore e Prishtinës sot pritet që të paraqesë kërkesën e paraburgimit prej 30 ditësh ndaj zëvendëministrit Musa Cena dhe dy të dyshuarve të tjerë për marrje ryshfeti dhe keqpërdorim të detyrës zyrtare. Këtë gjë e ka konfirmuar për Periskopin zëvendëskryeprokurori i Prishtinës, Ibrahim Berisha i cili ka thënë se tashmë janë konsultuar me prokurorët […]
Këtë gjë e ka konfirmuar për Periskopin zëvendëskryeprokurori i Prishtinës, Ibrahim Berisha i cili ka thënë se tashmë janë konsultuar me prokurorët dhe kërkesa pritet të bëhet ndaj Gjykatës.
‘’Pak më herët u konsultova me prokurorët e qarkut. Në afatin 24 orësh do të bëjmë kërkesë sot ndaj Gjykatës, ku pastaj Gjykata do të vendos brenda 48 orëve. Do të bëjmë kërkesë për caktim të paraburgimit prej 1 muaji, e pastaj të shohim. Pra dyshimet janë ndaj tre personave, për marrje ryshfeti dhe keqpërdorim të detyrës zyrtare’’, tha Berisha për Periskopin.
Zëvendëministri i Zhvillimit Rajonal, Musa Cena së bashku me dy të dyshuar tjerë janë arrestuar mbrëmë, rast të cilin e ka konfirmuar për Periskopin edhe Policia e Kosovës.
’Ju informoj se me datë 20.10.2018 Policia e Kosovës pas ndërmarrjes se veprimeve hetimore ka kryer arrestimin e tre personave të dyshuar te involvuar në veprat penale Marrje e Rryshfetit dhe Keqperdorim i Pozites apo autoritetit Zyrtar sipas kodit penal te Republikes se Kosoves. Te dyshuarit duke vepruar ne bashkryerje dyshohet se kane marre rryshfet nga pala e dëmtuar’’, tha zëdhënësi Daut Hoxha.
Kujtojmë që Cena vjen nga radhët e partisë së Ramush Haradinajt, AAK./Periskopi/
