Ekzekutohet huligani kroat, tmerri i serbëve

Është ekzekutuar Ante Firiç, simboli i huliganizmit kroat. 27 vjeçari është ekzekutuar në mënyrë makabre.

Mësohet se në orët e para të mëngjesit të së mërkurës ai është goditur në një autostradë nga tre makina njëherësh, një Hundai, një Citroen dhe një Opel, dhe në fund u zu poshtë dhe nga një prej mjeteve.

Firc njihen si një nga huliganët më të frikshëm të Splitit dhe që shkaktoi kaos në derbin midis Crvena Zvezda-s dhe Partizanit të Beogradit vitin e kaluar, ku më pas u dënua me gjashtë muaj burg dhe ndalim 5 vjet për të hyrë në territorin serb.

Lidhur me ngjarjen ende nuk ka një autor të arrestuar, ndërsa vazhdojnë hetimet. Në mediat vendase kjo është konsideruar si vrasje mafioze.