Deputetja e LDK-së mbështet SBASHK-un, s’bëhet hajgare me mësimdhënësit

Deputetja nga partia e LDK-së Valentina Bunjaku-Rexhepi ka dalur në mbështetje të kërkesave të SBASHK-ut në lidhje me projektligjin për paga për punëtorët e arsimit të viteve të 90-ta.

Bunajku përmes një postimin në rrjetin e saj “Facebook” ka shfaqur gatishmërinë që jo vetëm si deputete po edhe si anatarë e Komisionit Parlamentar do të mbështet kërkesat e tyre dhe të dërgojnë propozimin tek Kryetari i  Komisionit.

“Edhe ne si deputete dhe anëtare e Komisionit përkatës parlamentar, do t’i mbështesim kërkesat e SBASHK-ut, sepse bëhet fjalë për kategori të veçantë të beneficionit për kontributin në vitet e ’90-ta, e jo për lëmoshë. Ne sot do t’ia dërgojmë edhe propozimin tonë Kryetarit të Komisionit parlamentar dhe do të jetë në përputhje me SBASHK-un”.

Ajo ka cekur se nuk duhet të bëhet hajgare me mësimdhënësit pasi janë ata të cilët edukojnë dhe arsimojnë çdo brez dhe kjo gjë edhe nënçmuese për mësimdhënësit.

Ky është postimi i saj i plotë:

Të nderuara mësimdhënëse dhe ju të nderuar mësimdhënës,

Projektligji për punëtorët e arsimit në vitet e ’90-ta për kohë të gjatë po zvarritet. Madje, edhe më keq se kjo, projektligji është larg asaj se si është shpresuar për përmbajtje të duhur.

Projektligji aktual, që me të drejtë po kritikohet edhe nga SBASHK-u, nuk është vlerësim meritor për këta mësimdhënës, por vetëm me disa kompensime të vogla financiare. Neni 7 është mjaft problematik dhe me të drejtë SBASHK-u ka kërkuar ndryshime nga kompensimet shtesë në pension meritor.

Edhe ne si deputete dhe anëtare e Komisionit përkatës parlamentar, do t’i mbështesim kërkesat e SBASHK-ut, sepse bëhet fjalë për kategori të veçantë të beneficionit për kontributin në vitet e ’90-ta, e jo për lëmoshë. Ne sot do t’ia dërgojmë edhe propozimin tonë Kryetarit të Komisionit parlamentar dhe do të jetë në përputhje me SBASHK-un.

Pavarësisht kostos buxhetore, ja po bëjmë ligj adekuat, ja hiç! Nuk bëhet hajgare me mësimdhënësit, njerëzit më të respektuar në çdo shoqëri, pasi edukojnë dhe arsimojmë çdo brez! Qeveritë e tjera menjëherë pas luftës do të mund të bënin diçka të tillë, fare lehtë, por kjo do të ishte nënçmuese për mësimdhënësit.