Azizi: S’kam kërkuar rrogë të veterani, vajza ime ka qarë nga lajmet

Para disa ditësh doli një lajm se ish-boksieri legjendar, Aziz Salihu kishte kërkuar që edhe emri i tij të futej në listat e veteranëve të UÇK-së.

Por, edhe në fjalën e tij boksieri Azizi sikur e kishte thënë me ironi dhe këtë  ka sqaruar edhe sot.

“Unë jam me popullin. Unë kundër popullit nuk flas. Këta janë njerëz që gjithë i kam dashtë, i kam nderu, se e kanë çliru këtë vend. Aziz Salihu nuk flet kurrë keq”. Kurrë në jetën time s’i kam përmend. Nëse i përmendi, unë tregoj, nuk frigohem prej kurrkujt”, ka thënë Zizi.

Ai më tej ka treguar edhe se si e ka pritur ai dhe familja e tij lajmin se Aziz Salihu po kërkon statusin e veteranit.

“Lajmin e kam marrë vesh prej djalit dhe vajzës. U çudita atë ditë kur erdha nga Shkupi, se në Shkup isha atë ditë. Bile vajza ka qajtë. Tha “kqyrë çka ke ba”. Unë kurrë në jetë s’kam fol keq për shtetin tim”, është shprehur Salihu.

Zizi ka thënë se atij i intereson që të gjithë të kenë rroga.

“Mua më intereson që populli im të jetë i rahatuar, që të kenë të gjithë. Edhe një sakat, edhe një budallë, edhe një njeri i paaftë, edhe ai me pasë rrogë, të gjithë kam dëshirë me pasë rroga. Kur t’i jep pare popullit dikush, une gëzohna”, ka thënë Salihu.

Në fund, ai ka thënë se krejt çfarë ka kërkuar, e ka bërë për sportin.

“I rrahur, i malltretuar e i burgosur jam, kurrë s’kam lypë për atë punë, veç për sportin. Krejt bota e çmojnë sportistin më të madh në shtet”, ka përfunduar Salihu.  /Insajderi/.