Ymeri: Ma merr mendja se kush i publikoi ofendimet e Dërgutit ndaj Kurtit

Ymeri ka thënë se ia merr mendja se kush i ka publikuar ato mesazhe, por nuk pranoi të japë emra, shkruan Periskopi.

Tutje ai tha se nuk ka bërë hetime të fshehta për këtë çështje.

Tregoi se do të vazhdojnë të funksionojnë si deputetë të Lëvizjes, derisa të mos ketë ndonjë vendim tjetër.

“Deri në ndonjë vendim tjetër, ne do të mbesim deputetë të Grupit Parlamentar të Lëvizjes Vetëvendosje. Mendoj që e kemi zhgënjyer elektoratin, mendoj se njerëzit kanë pritur diçka tjetër nga Lëvizja, s’kanë besuar se do të vimë deri në këtë pikë”, tha ai.

Tutje foli edhe për mundësinë e ndarjes së VV’së.

“Problemet janë shumë të thella. Nuk po shoh gatishmëri nga Albini e njerëzit që e mbështesin atë që të pajtohen me atë që ndodhi, që të mos përsëritet, as të ketë pajtim për një rrugë se si do të ecet përpara. Nuk pranoj çdo gjë për ta mbajtur bashkë VV’në”, deklaroi ai në “Argument Plus”./Periskopi