4 orë më parëWenger: Largimi i Van Persiet më i rëndë sesa ai i Sanchez
Periskopi(8 vite më parë)
(8 vite më parë)Trajneri i Arsenalit është pajtuar me faktin që Alexis Sanchez do të largohet nga skuadra. Arsene Wenger ka treguar se largimi i Alexis Sanchez nuk do të jetë aq i vështirë për t’u pranuar nga ai sikurse ishte ai i Robin van Persiet i cili në vitin 2012, la ‘Topçinjtë’ për t’iu bashkuar Manchester Unitedit. […]
Arsene Wenger ka treguar se largimi i Alexis Sanchez nuk do të jetë aq i vështirë për t’u pranuar nga ai sikurse ishte ai i Robin van Persiet i cili në vitin 2012, la ‘Topçinjtë’ për t’iu bashkuar Manchester Unitedit.
Francezi beson se tashmë gati të gjithë janë pajtuar me faktin se sulmuesi kilian nuk e ka ndërmend ta rinovojë kontratën me klubin, ndryshe nga Van Persie për të cilin, Wenger kishte shpresuar deri në momentin e fundit, por ai më pas kishte njoftuar se do të largohej në drejtim të United, transmeton KosovaPress.
“Pothuajse të gjithë tifozët e Arsenalit e dinë se Sanchez nuk do ta zgjasë kontratën”, ka thënë Wenger.
“Jemi pajtuar me faktin se ai nuk do të qëndrojë. Ne po e humbin një lojtar, por po e fitojmë një tjetër. Mendoj se njëri do ta zëvendësojë tjetrin”.
“Ne e morëm Van Persien kur ai po luante në ekipin rezervë të Feyenoordit. Kemi punuar gjatë më të. Është e vështirë të pajtohesh kur e sjell një lojtar në nivele kaq të larta dhe ai largohet”, shtoi ai.
