Veseli: Kam iniciuar seancë të jashtëzakonshme për cilësinë e ajrit në Prishtinë

Kryetari i Kuvendit Kadri Veseli njofton se ka iniciuar mbajtjen e një séance të jashtëzakonshme për ajrin e keq në Prishtinë.

Ai thotë se duhet në plan i  mirëfilltë dhe afatgjatë, përmes të cilit, sipas Veselit, do të evitohej situata që po përsëritet vazhdimisht.

Postimi i plotë:

I shqetësuar tej mase me cilësinë e ajrit në Prishtinë, kam iniciuar mbajtjen e një seance të jashtëzakonshme të Kuvendit të Kosovës, që të kërkojmë nga të gjitha institucionet ndërmarrjen e masave të menjëhershme konkrete për përmirësimin e kësaj gjendjeje. Po ashtu, është e nevojshme që të kemi një plan nacional të mirëfilltë dhe afatgjatë, me të cilin do të evitohej kjo situatë që po na përsëritet.