Smaj Latifi emëron drejtorin e ri të Urbanizmit në Komunën e Rahovecit

Kryetari i Rahovecit, Smaj Latifi ka emëruar sot drejtorin e Urbanizmit, Planfikimit dhe Mbrojtjes së Mjedisit.

Drejtori i sapoemëruar, Rumir Zhuniqi ka premtuar se do të jetë i përgjegjshëm ndaj detyrës së dhënë, duke premtuar që puna e tij do të jetë në dobi të qytetarëve.

“Sot mora besimin e kryetarit të Rahovecit, Smajl Latifi, që të jem drejtor i Drejtorisë për Urbanizëm, Planifikim dhe Mbrojtje të Mjedisit në Komunën e Rahovecit. Për besimin e dhënë dua ta falënderoj kryetarin Latifi, ndërsa zotohem se do të përpiqem me potencialin tim ta ushtroj për menaxhim sa më efektiv të kësaj drejtorie”, ka shkruar Zhuniqi në Facebook.

Zhuniqi garanton se do të jetë i pakompromis në synimet e tij që vendimet dhe menaxhimi i kësaj drejtorie të jenë ligjore dhe në dobi të qytetarëve.

“Po ashtu, do të jem i pakompromis në synimet e mia që veprimet e vendimet e kësaj drejtorie të jenë gjithnjë në pajtim me ligjet e rregulloret në fuqi dhe në dobi të qytetarëve të komunës sonë”, ka shkruar ai. /Periskopi/