2 minuta më parëSHBA kërcënon Turqinë nëse kjo sulmon kurdët në Siri
Periskopi(8 vite më parë)
(8 vite më parë)Përderisa Turqia është duke i luftuar forcat e armatosura kurde, të cilët kanë mbështetjen e SHBA-së për të luftuar kundër luftëtarëve të Daesh-it, sekretari i shtetit amerikan Reks Tillerson ka deklaruar se Turqia nuk mund të përfshihet në një pushtim në qytetin sirian të Afrinit. Zëdhënësja e Departamentit të Shtetit Amerikan Heather Nauert ka deklaruar […]
Zëdhënësja e Departamentit të Shtetit Amerikan Heather Nauert ka deklaruar se Ankaraja “nuk ka ndërmarrë ndonjë aksion” kundër kurdëve në Sirinë veriore, duke shtuar se “ne nuk dëshirojmë që autoritetet turke të flirtojnë me dhunën por duam që fokusi i tyre të jetë lufta kundër ISIS-it (Daesh), raporton “Sputnik International”, transmeton Periskopi.
Në anën tjetër, Ankaraja ka thënë se “të drejtat për vetë-mbrojtje duke respektuar ligjet ndërkombëtare për të marrë masa kundër një grupi terrorist që na rrethon në tre anët, duke shkelur të drejtat tona, do të detyrohemi të ndërhyjmë.”
Sipas deklaratës së ministrit të jashtëm turk Mevlut Cavusoglu, thuhet “Ne i kemi njoftuar ata (SHBA) se do të sulmojmë në Afrin, si dhe do të ndërmarrim veprime kundër kërcënimeve ndaj nesh prej ngado që vijnë.”
Ai ka theksuar se Ankaraja nuk dëshiron që Washingtoni dhe aleati i saj NATO, të jetë pala kundërshtare e konfliktit./Periskopi/
