Edhe mediat serbe shkruajnë për deklaratën fyese të Nasim Haradinajt ndaj ambasadorit amerikan

Njëra prej portaleve dhe gazetave më të mëdha në Serbi, Blic ka shkruar për deklaratën e Haradinajt, e cila sipas portalit erdhi pas presionit që ambasadori amerikan është duke bërë që deputetet e Kuvendit të Kosovës të mos e shfuqizojnë Gjykatën Speciale.

Nasim Haradinaj e quajti të enjten ambasadorin amerikan “palaço” .

Gazeta serbe shkruan tutje se pavarësisht reagimit të kryeministrit dhe presidentit të Kosovës, Nasimi nuk ka pranuar të kërkojë falje për deklaratat që ka bërë kundër Delwie.

“Nuk kërkoj asnjëherë falje, e kam dhënë veç mendimin tim. Une e kam ndier veten të fyer kur Delawie hyri në parlament e bëri veprime të tilla. Kjo në fakt është shkelje e Kushtetutës”, tha ai.

E për t’i kërkuar falje për gjuhën që ai e përdori, duket se s’e ka ndërmend, ani pse i kanë kërkuar edhe Haradinaj e Veseli.

“Pse mi kërku falje? Le t’i kërkojnë falje ata vetë. Ai kurgjo mirë ndaj nesh s’po bën. Ai që bën mirë nuk ta shkel shpinë. Ai po don me na imponu neve diçka. Parlamenti osht shpia jonë, ai hyri na thej shpinë tonë”, tha ndër të tjera Nasim Haradinaj.