3 minuta më parëProkuroria njofton për masat që do të marrë ndaj ministrit Rikallo
Periskopi(9 vite më parë)
(9 vite më parë)Prokuroria Speciale e Kosovës do të marrë të gjitha masat konform ligjeve ndaj ministrit të ri të Bujqësisë, Nenad Rikallo. Krejt kjo pasi ky i fundit është akuzuar përmes mediave nga qytetarët e lagjes “Dardania” në kryeqytet për maltretim gjatë periudhës së luftës në Kosovë. Këtë e ka konfirmuar për Klan Kosovën, zëdhënësi i Prokurorisë së […]
Prokuroria Speciale e Kosovës do të marrë të gjitha masat konform ligjeve ndaj ministrit të ri të Bujqësisë, Nenad Rikallo.
Krejt kjo pasi ky i fundit është akuzuar përmes mediave nga qytetarët e lagjes “Dardania” në kryeqytet për maltretim gjatë periudhës së luftës në Kosovë.
Këtë e ka konfirmuar për Klan Kosovën, zëdhënësi i Prokurorisë së Shtetit, Ekrem Lutfiu.
Lutfiu ka thënë se Prokuroria është njoftuar për këtë rast pikërisht përmes mediave.
“Ju informoj se PSRK deri dje 13.09.2017, nuk ka pasur asnjë informacion lidhur me veprimet e mundshme inkriminuese, për Nenad Rikallo, ministër i Bujqësisë në Republikën e Kosovës”, thuhet në njoftimin e Prokurorisë.
Sipas tij, Prokuroria Speciale e Republikës së Kosovës do të ndërmerr veprimet e duhura në pajtim me Kodin e Procedurës Penale.
Në ndërkohë, tashmë ka nisur reagime të shumta të qytetarëve nëpër rrjete sociale që kërkojnë shkarkimin e ministrit Rikallo.
