Gazetarja Vela përshkruan javën e zezë politike në Kosovë

Në profilin e saj, Vela ka shkruar se në javën që po e lëmë pas, shumica kanë vënë në pikëpyetje shkollën, punën e investimet që i kanë kryer deri më tani, dhe janë hamendësuar për arsyet e vazhdimit të jetës në këtë vend.

Ajo ka përmendur procedurat e konstituimit të Kuvendit e formimit të Qeverisë së re, ku përmendi edhe marrëveshjen që u arrit mes koalicionit PAN e AKR’së, ku kjo e fundit me pak deputetë, arriti të sigurojë pozita të rëndësishme në qeverinë e ardhshme.

Lexoni të plotë reagimin e saj:

Nuk besoj qe ka ndonje person, me standarde mesatare intelektuale, qe kete jave nuk ka perjetu deshperim te jashtezakonshem nga zhvillimet politike. Shumica e kemi vene ne pyetje shkollen qe e kemi kry, punen e investimet qe i kemi bo deri tash e besa edhe jemi mendu gjate se pse vazhdojme me jetu ne kete vend ku:

– Analfabetet qe s’dine shkrim e lexim, sherbyen si ndermjetesues per me e kriju Qeverine dhe ate jo brenda institucioneve, po ne nje ode kic te mbushur me burra te uritur e te papermbajtur;

– U dhane e u morren ministri pa asnje plan program apo diskutim profesional, si nje loje bonbonash e femijeve t’lagjes: “hajt ama mu! – jo, vec n’daq ndrrim!”;

– Nje politikan medioker me dy anetare ne parti, morri 4 Ministri, disa zv/Ministri dhe 1 Zv/KM – me fjale te tjera, konkurs po i duhet me hap per me i mbush keto pozita. Po i njejti, muaj me pare, ngriti padi nderkombetare kunder Kosoves;

– Ekonomia pa asnje plan zhvillimor, u nda ne mes 4 partive, secila me e paditun se tjetra ne kete fushe, duke na siguru qe do te kemi edhe nje mandat qeveritar pa strategji ekonomike, rrjedhimisht shume te rinje e te reja pa pune e t’u i’a mesy prostitucionit e hajnise;

– U faktorizua e doli e shiti mend personi qe ka shperfill emrin e familjes duke udheheq nje grup kriminal per me shit viza e deviza;

– Arsimi mbeti ne dore te njerezve te akuzuar per krim te organizuar e korrupsion, te cilet arsimin e njohin si emer, psh Arsimi, djali i dajes, e jo si proces;

– Morri pozite te Zv/KM, politikani i deshtuar i njohur si sekser, i cili muaj me pare, karshi Edi Rames nuk arriti me e dite se cfare ligji ka aprovu ai vet ne kohen sa ka qene Minister! S’di a ju kujtohet kur Edi, nder te te tjera, i tha: “prandaj edhe te kane heq nga Ministria, se qenke i padijshem”;

– Bujqesia, per te cilen secila parti rrahu gjoks ne fushate zgjedhore, u shkoi serbeve, perktasisht tani mijera familje te cilat mbijetojne nga disa lope apo disa patate, fatin e kane ne dore te Serbise;

– Kryeministri i ardhshem, prezentoi nje foto me kabinetin e tij: njerez pa asnje eksperience reale te punes, per me teper, persona oportunist te cilet per shkak te moralit te ulet e mosperformances jane largu nga secila pune qe kane punu…

Kjo liste e se keqijave eshte shume e gjate, mirepo duhemi me pas akoma shprese. Te pakten, kjo eshte ajo qe na mban ne Kosoven tone.