Raporti i Oxfam: Refugjatët përballen me përdhunime, torturë dhe skllavëri (Foto)

Raporti i kryer në partneritet me organizatat bamirëse italiane, “Mjekët për të Drejtat e Njeriut” (MEDU) dhe “Borderline Sicilia”, analizuan 285 dëshmi duke përfshirë 158 intervista me 31 gra dhe 127 burra që mbërritën në Sicili që kishin bërë kalimin e rrezikshëm nga Libia.

Dëshmitë zbuluan keqpërdorime të ashpra të emigrantëve në Libi.

Tre të katërtat e refugjatëve dhe emigrantëve të intervistuar gjithashtu thanë se kishin dëshmuar vrasjen ose torturimin e një shoku udhëtues, thotë Oxfam.

Chidi, 18 vjeç nga Gambia, tha se ishte rrëmbyer nga një bandë dhe mbeti në burg në Sabratha për tre muaj.

“Rrëmbyesit tanë …. kryen veprime të torturës dhe dhunës rregullisht ndaj të gjithëve që mbaheshin në një vend ku ata e kontrollonin. Unë isha i nënshtruar ndaj akteve të përsëritura të torturës… dhe isha rrahur vazhdimisht mbi kokë”, thotë Chidi.

Një adoleshent nga Senegali tha se ishte mbajtur në një qeli të mbushur me trupa të vdekur para se të arrinte të shpëtonte.

Lamine, 18 vjeç tha: “Vendi ku ishte nën menaxhimin e rrëmbyesve ishte i mbushur me trupa të pajetë, pashë ushtarë që thyenin hundën e një djaloshi dhe e rrahin aq seriozisht në kokë sa ai humbi sytë. Ata thyen gishtin tim dhe prenë këmbën time të majtë me thikë”, raportoi “The Independent”, transmeton Periskopi.

Në raport, Oxfam dhe partnerët e saj zbuluan se në 84 për qind të dëshmive, njerëzit thanë se kishin vuajtur trajtim çnjerëzor ose degradues, dhunë ekstreme apo torturë, 80 përqind thanë se u kishte mohuar vazhdimisht ushqimi dhe uji dhe 70 përqind të tyre thanë se kishin qenë të lidhur gjatë gjithë kohës kur ishin nën urdhërat e bandave rrëmbyese./Periskopi/