Peshku redukton sëmundjet e zemrës dhe kancerin

Dy të tretat e njerëzve në Britani po e vënë shëndetin e tyre në rrezik duke mos ngrënë mjaftueshëm peshk.

Ky është paralajmërimi i ekspertëve që studiojnë sëmundjen e kancerit, teksa sugjeron të gjithë në konsumimin e këtij ushqimi deti, transmeton Klan Kosova.

Shërbimi Shëndetësor i Britanisë, këshillon që të gjithë duhet të hanë peshk të paktën dy herë në javë – duke përfshirë një pjesë të peshqve me vaj, si salmoni ose ton.

Por 64 për qind e njerëzve nuk e përmbushin këtë objektiv thotë një nga sondazhet e publikuara nga hulumtimi i fundit, transmeton Klan Kosova.

Peshku dhe ushqimet e tjera të detit janë burime të mira të vitaminave dhe mineraleve dhe janë shumë më të ulëta në yndyrë se çdo formë e mishit.

Peshku me vaj është gjithashtu veçanërisht i lartë në acidet yndyrore omega-3, të cilat kanë përfitime të mëdha për zemrën dhe trurin, dhe vitaminë D, e cila forcon kockat.

Të ngrënit në mënyrë të rregullt peshk, nënkupton që njerëzit kanë tendencë të hanë më pak mish të kuq, duke reduktuar rrezikun e kancerit dhe sëmundjeve të zemrës.