4 minuta më parëParalajmërimi i Koresë Veriore për ShBA’në: Për pak ditë ushtria jonë…
Periskopi(9 vite më parë)
(9 vite më parë)Koreja e Veriut thotë se ka në plan që të lëshojë katër raketa në afërsi të territorit të Guam-it i cili kontrollohet nga Amerika. Media shtetërore e Koresë Veriore KCNA tha se raketa Hwasong – 12 do të kalonte mbi Japoninë dhe do t’i afrohej 30 km afër territorit të Guam-it, nëse ky plan miratohet […]
Media shtetërore e Koresë Veriore KCNA tha se raketa Hwasong – 12 do të kalonte mbi Japoninë dhe do t’i afrohej 30 km afër territorit të Guam-it, nëse ky plan miratohet nga Kim Jong-un.
Ky i fundit denoncoi paralajmërimet e Presidentit amerikan Donal Trump i cili më herët e kishte kërcënuar shtetin e Koresë Veriore me fjalët “zjarr dhe vrull”, duke u shprehur se fjalët e kreut të ShBA-së janë “pa arsye”.
Sekretari i Mbrojtjes të ShBA-së Jim Mattis tha se Pyongyang do të ishte “shumë e mbingarkuar” në çdo sulm eventual kundrejt ShBA-së dhe aleatëve të saj.
Gazetari i BBC-së Rupert Wingfield – Hayes i cili ndodhet në territorin e Guam-it thotë se kërcënimet e Koresë Veriore më shumë i ngjajnë një retorike boshe, pasi shumica e njerëzve të cilë jetojnë në këtë ishull besojnë se nëse ata me të vërtetë e sulmojnë këtë vend me raketa do të ishte një vetëvrasje për regjimin e Koresë së Veriut.
Korea Veriore njoftoi të mërkurën se kishte hartuar plane për një goditje me raketa kundër ishullit të paqësorit Guam e cila kontrollohet nga ushtria amerikane. Në këtë ishull jetojnë 163.000 njerëz.
Një deklaratë e ushtrisë koreane veriore është cituar nga mediat shtetërore të këtij vendi ku kanë thënë se “përfundimisht plani për sulmin ndaj Guam-it do të përfundohet në mes të gushtit të këtij viti” dhe më pas do të dërgohet te kreu i vendit Kim Jong-un për t’u miratuar, raportoi “BBC”, transmeton Periskopi.
“Raketat Hwasong-12 që do të lëshohen nga KPA [Ushtria Popullore Koreane] do të kalojnë mbi Shimane, Hiroshima dhe Koichi [Kochi] qytetet e Japonisë”, tha agjencia shtetërore e lajmeve KCNA, duke cituar shefin e ushtrisë koreano veriore, gjeneralin Kim Rak Gyom.
“Ata do të fluturojnë 3,356.7km për 1,065 sekonda dhe do të godasin ujërat 30-40 km larg nga Guam”, vijoi Gyom.
Ministri i Mbrojtjes Itsunori Onodera u tha deputetëve se Japonia duhet të bllokojë një raketë të Koresë së Veriut të drejtuar për në Guam, në të kundërtën një veprim i tillë do të kërcënonte ekzistencën e Japonisë si një komb./Periskopi/
