disa sekonda më parë‘Konferenca për dialog ndër-fetar, temë kryesor ka rininë’
Periskopi(9 vite më parë)
(9 vite më parë)Ushtruesi i detyrës së ministrit të Punëve të Jashtme të Republikës së Kosovës, Emanuel Demaj, ka pritur ambasadoren e Finlandës në Kosovë, Anne Huhtamäki, si dhe Ambasadoren e Ngarkuar për procesin e dialogut ndër-kulturor dhe ndër-fetar nga Ministria e Punëve të Jashtme e Finlandës, Pekka Metso, njofton kumtesa nga MPJ, transmeton Koha.net. Në margjina të […]
Ushtruesi i detyrës së ministrit të Punëve të Jashtme të Republikës së Kosovës, Emanuel Demaj, ka pritur ambasadoren e Finlandës në Kosovë, Anne Huhtamäki, si dhe Ambasadoren e Ngarkuar për procesin e dialogut ndër-kulturor dhe ndër-fetar nga Ministria e Punëve të Jashtme e Finlandës, Pekka Metso, njofton kumtesa nga MPJ, transmeton Koha.net.
Në margjina të këtij takimi është diskutuar në lidhje me zhvillimet gjithëmbarshme politike dhe është ri-konfirmuar fryma e thellë e bashkëpunimit, mbështetjes dhe miqësisë në mes dy vendeve dhe dy popujve.
Temë kryesore e këtij takimi ishte vazhdimi i organizimit të Konferencës për Dialog Ndër-fetar në Kosovë.
Demaj është zotuar se do të vazhdojë ta mbështesë organizimin e kësaj Konference, e cila për temë kryesore këtë vit pritet ta ketë rininë.
Konferenca ndër-fetare në Kosovë vlerësohet si njëra nga ngjarjet më të rëndësishme në Kosovë dhe si një vend-takim i udhëheqësve fetarë, diplomatëve, juristëve, udhëheqësve të OJQ-ve, akademikëve, shoqërisë civile si dhe përfaqësuesve të medieve ndërkombëtare.
