E jashtëzakonshme për tifozët juventinë: Dybala deri në ‘përjetësi’ te Juventus

Ai ka përkufizuar Juventusin si skuadrën e së tashmes dhe të së ardhmes së tij. Në një intervistë të dhënë për gazetën amerikane “Nju Jork Tajms”, argjentinasi ka përsëritur edhe një herë tjetër, se nuk e mendon aspak largimin nga radhët e kampionëve të Italisë.

Gjatë kësaj interviste, 23-vjeçari ka deklaruar se vendimi i drejtuesve për ti dhënë atij numrin 10 e ka befasuar por, ai ndihet i nderuar dhe premton se do të japë maksimumin e tij për arritjen e objektivave që ka ekipi.

Përsa i përket interesimit që ka shfaqur Barcelona dhe humbja në finalen e Champions League ndaj Realit të Madridit, Dibala shprehet se ekipi ku ai luan është në të njëjtin nivel me katalanasit dhe humbja ndaj Realit është si një makth për të që kërkon ta harrojë sa më shpejt.

Objektivi Champions për argjentinasin është një ëndërr të cilën beson se shumë shpejt do ta ketë në duart e tij. Një tjetër trofe i humbur ai në finalen e Superkupës së Italisë është një moment të cilin Dibala kërkon ta lërë pas krahëve, zhgënjimi nuk mungon, por skuadra duhet të shohë përpara.

Në fund Dibala thotë se sezoni i ri për Juventusin do të jetë më mirë se i vjetshmi.