Rama: Policia të përgatitet për operacion kombëtar ndaj elementëve kriminalë

Kreut i qeverisë, pasi deklaroi se “panorama e rezultateve të arritura është qartë, me objektivin ambicioz për t’i dhënë fund kultivimit të kanabisit drejt realizimit të plotë”, theksoi se “lufta në këtë front do të përshkallëzohet në kuadër të parave të krimit dhe aseteve kriminale”, shkruan Top Channel.

“Policia të përgatitet për një operacion të madh kombëtar ndaj elementëve kriminalë. Përplasje pa kompromis që duhet të fillojë me të gjithë elementët shqetësues të rendit publik. Është koha për të pastruar Shqipërinë jo vetëm nga kanabisi, por edhe nga këto mikrobe të gjalla që kërcënojnë sigurinë e njerëzve të zakonshëm të këtij vendi”, tha Rama.