6 minuta më parëQëndrimi i ShBA mbi klimën rrezikon Marrëveshjen e Parisit
Periskopi(9 vite më parë)
(9 vite më parë)Tërheqja e pjesshme e Shteteve të Bashkuara nga zbatimi i Marrëveshjes së Parisit për Klimën ka vendosur në pikëpyetje zbatimin në tërësi të paktit, ndërsa liderët e vendeve të tjera kanë shprehur pakënaqësi. I pari që reagoi ishte pikërisht Presidenti i Turqisë, Rexhep Taip Erdogan, i cili në konferencën përmbyllëse për mediat deklaroi se vendimi […]
Tërheqja e pjesshme e Shteteve të Bashkuara nga zbatimi i Marrëveshjes së Parisit për Klimën ka vendosur në pikëpyetje zbatimin në tërësi të paktit, ndërsa liderët e vendeve të tjera kanë shprehur pakënaqësi.
I pari që reagoi ishte pikërisht Presidenti i Turqisë, Rexhep Taip Erdogan, i cili në konferencën përmbyllëse për mediat deklaroi se vendimi i ShBA për të anuluar fondin e kompensimit ndaj një sërë vendesh përbën një devijim nga linja paraprake.
Ai shtoi se në momentin që Turqia firmosi akordin, Franca kishte dhënë garanci se Ankarasë do t’i mundësoheshin kompensive për të miratuar një sërë masash të cilat do të ndërmerren në kuadër të përpjekjeve për mbrojtjen e ambientit. Sipas ekspertëve, refuzimi i paktit edhe nga ana e Turqisë mund të prodhojë një efekt të rrezikshëm domino, i cili rrezikon seriozisht zbatimin e marrëveshjes.
Pavarësisht ndasive të shumta që u manifestuan mes liderëve në samitin e G20 si dhe shprehjes së pavendosmërisë nga Turqisë për të ratifikuar Akordin e Parisit, Presidenti i Shteteve të Bashkuara, Donald Trump, i cilësoi punimet një sukses.
Nëpërmjet një postimi në rrjetin social tvvitter, ai vlerësoi mënyrën e drejtimit të punimeve nga Kancelarja Merkel.
Zyra e Presidentit të Shteteve të Bashkuara në një njoftim bëri gjithashtu të ditur se Trump kishte diskutuar edhe për Korenë e Veriut gjatë takimit të mëhershëm me Presidentin kinez, Si Xinpin. Në bisedën e tyre liderët theksuan rëndësinë e denuklearizimit të gadishullit korean, me qëllim ruajtjen e paqes dhe stabilitetit rajonal.
