Mësohet identiteti i tre të lënduarve rëndë nga zjarri në Velipojë

Mes tyre është edhe pronari i hotelit, Besnik Zejnuni, 50 vjeç dhe dy punonjës të tjerë, që dyshohet se janë të afërm të tij, Hektor Zenunaj dhe Saida Spahija.

Ata kanë marrë djegie të shumta në trup dhe janë transportuar për në Tiranë me helikopterët e ministrisë së Shëndetësisë.

Sipas mjekëve të Shkodrës, këta tre persona kanë marrë djegie të shumta në trup. Pronari i hotelit është në gjendje të rëndë, ndërsa dy të plagosurit e tjerë janë jashtë rrezikut për jetën.

https://www.dailymotion.com/video/x5v4f96

Policia ka bërë të ditur se pronari i lokalit në Velipojë është në gjendje të rëndë.

“Në plazhin Velipojë te Kompleksi Fishta rreth orës 10:00 kemi marr njoftim se ka rënë zjarr në një lokal. Nga informacionet paraprake informohemi se janë tre shtetas të lënduar, ndër to edhe pronari lokalit shtetasi B. Z. 55 vjeç në gjendje të rëndë për jetën i cili po dergohet drejt Spitalit të Traumës për ndihmë mjeksore më të specializuar. Si dhe shtetasi H. Z. dhe shtetesja S. S. 19 vjeçe, të cilët po dergohen për në Spitalin Rajonal Shkodër janë jashtë rreziku për jetën. Menjëherë në vendgjarje kanë shkuar forcat e FNSH, MNZ dhe shërbimet e policisë, dhe emergjencat civile, të bejnë të mundur edhe evakuimin e banorëve”, thuhet në njoftim të Policisë.

Ndryshe, Një ngjarje e rëndë ndodhi sot në një restorant në Velipojë ku si pasojë e shpërthimit të një bombole gazi janë plagosur rëndë 4 persona dhe 20 të tjerë më lehtë.

Ndërkohë që 3 persona janë nisur drejt Tiranës, ku njëri ndër ta, pronari i lokalit mësohet se është në gjendje të rëndë.

Lapsi.al sjell foto nga lokali ku ndodhi ngjarja. Siç mund të shihet edhe nga fotot lokali në Velipojë është shkrumbuar totalisht në pjesën e brendshme. Sipas policisë, shkaku i shpërthimit ka qenë një bombul gazi.