3 minuta më parëLekaj: Takimi i Haradinajt me familjen e Ibrahim Rugovës, mesazh i qartë
Periskopi(9 vite më parë)
(9 vite më parë)Deputeti i AAK-së, Pal Lekaj në një prononcim për “Gazeta Blic”, tha se takimi i sotëm ndërmjet vajzës së ish-presidentit, Ibrahim Rugova dhe Ramush Haradinajt është mesazh se Qeveria Haradinaj do të formohet. Madje sipas Lekajt, njëjtë sikurse deputetja Rugova duhet të veprojnë edhe të tjerët. “Qeveria Haradinaj do të krijohet me shumicën e nevojshme […]
Madje sipas Lekajt, njëjtë sikurse deputetja Rugova duhet të veprojnë edhe të tjerët.
“Qeveria Haradinaj do të krijohet me shumicën e nevojshme të deputetëve të Kuvendit të Republikës së Kosovës. Kaq mund të themi tani për tani. Kjo e sotmja është mesazh për të gjithë, që duhet kultivuar parime e mundësi bashkëpunimi sa herë është nevoja, e jo të kemi thirrje ogurzeza siç disa po trumbetojnë nga mëngjesi e në darkë, për inate e teke personale ditore”, ka thënë Lekaj.
Sipas tij, takimi i sotëm ka vulosur edhe njëherë traditën e bashkëpunimit mes presidentit historik Dr.Ibrahim Rugova dhe Ramush Haradinajt.
“Traditë e bashkëpunimit për të pasur zhvillime pozitive në vend. Deputetja Rugova e tha edhe vet, është asgjë më tepër se sa që bashkëpunim duke i ndjekur hapat e presidentit historik, Dr.Ibrahim Rugova”, tha ai.
Ndryshe, gjatë ditës së sotme deputetja Teuta Rugova dhe i nominuari për kryeministër nga PAN-i, Ramush Haradinaj patën një takim në rezidencën e Familjes Rugova, takimi ky i cili sipas Haradinajt ka motive historike, duke kujtuar kështu raportet e tij me ish-presidentin Rugova.
