Kurti e Sejdiu takohen me shefen e BE-së, diskutohen prioritetet qeverisëse të VV-së

Vetëvendosje ka njoftuar se sot kandidati i saj për kryeministër, bashkë me nënkryetarin e VV-së kanë takuar shefen e zyrës së BE-së në Kosovë, Natalia Apostolova.

Sipas njoftimit, Kurti e Sejdiu me Apostolovën kanë diskutuar situatën pas certifikimit të zgjedhjee të 11 qershorit dhe vizita e delegacionit të VV-së në Bruksel, si dhe prioritetet qeverisëse të Lëvizjes Vetëvendosje, shkruan Periskopi.

“Kandidati i Lëvizjes VETËVENDOSJE! për Kryeministër Albin Kurti dhe nënkryetari i Lëvizjes, Dardan Sejdiu kanë takuar sot shefen e zyrës së BE-së në Kosovë, znj. Natalia Apostolova. Në këtë takim në zyrët e BE-së, u diskutua situata pas çertifikimit të zgjedhjeve të 11 qershorit, vizita e delegacionit të VETËVENDOSJE!-s në Bruksel si dhe disa nga prioritet qeverisëse të Lëvizjes. Nevoja për bashkëpunim të vazhdueshëm mes të dyja palëve ishte pjesë e bisedës në këtë takim”, thuhet në njoftim.

VV thekson se palët janë dakorduar për bashkëpunim të mëtejshëm e të vazhdueshëm dhe intensifikim të raporteve. /Periskopi/