E hëna e 31 korrikut do jetë një nga ditët më të vështira për Cristiano Ronaldon

CR7 është akuzuar për mashtrim të autoriteteve tatimore spanjolle me një shifër prej 14.7 milionë euro, e gjitha kjo prej vitit 2011 deri në vitin 2014.

Arsyetimi i mbrojtjes së tij, ku ai është pajtuar me agjentin Jorge Mendes, avokatin Lobo Xavier dhe firmën e avokatëve Baker McKenzie, do të jetë se ka pasur mendime të ndryshme në interpretimin e rregullave spanjolle për taksa.

Sipas Marca, propozimi i avokatit mbrojtës Carlos Osorio, ishte të tentojë ta bindë gjykatësin se lojtari nuk kishte lidhje se çfarë realisht po ndodhte me llogaritë, por kjo u refuzua.

“Askush nuk do të besojë se Ronaldo nuk e di se çfarë nënshkruan”, ishte përgjigjja e grupit tjetër të avokatëve teksa bënin gati planin mbrojtës, shkruan Telegrafi.

Sipas autoriteteve financiare, Ronaldo ‘vullnetarisht dhe me vetëdije’ ka mashtruar nëpërmjet tri kompanive: Tollin, Arnel dhe Adifore, të tria me bazë Ishujt Virgin në Britani të Madhe, ndërsa taksat i pagoi vetëm në vitin 2014, edhe pse kishte qëndruar në Spanjë që nga viti 2009.

Të hënën, lojtari do të paraqitet në gjykatë, ku do të hetohet hollësisht dhe nëse gjenden prova të mjaftueshme për një krim që është kryer, atëherë Ronaldo do të shpallet i pandehur.

Nëse ylli i Realit shpallet i fajtor pas procesit gjyqësor, atëherë rrezikon burg deri në shtatë vjet, por me mundësi të zvogëlimit deri në 21 muaj.

I pyetur nga një gazetare për çështjen e taksave, Ronaldo ka thënë se është i qetë, por a do jetë kështu edhe të hënën?

https://youtu.be/BuZjtY7DLts